الاثنين، 28 ديسمبر، 2009

ايام بااااااااااك







ورجعتلكو تاااااااااااااااااااااااااااااااااااااانى

الاثنين، 11 مايو، 2009

شوفت البت الايمو دى



كنت فين النهارده


كنت عند خالى



اتهبلت ف عقلى وقلت اروح عند خالى اقعد هناك شويه



من زمان مشوفتش حد فيهم وهما كمان مدايقين ومخنوقين من الدنيا عشان مش بيشوفونى


قلت ارحمهم


واروحلهم شويه


ف روحت بقا وقعدت وكده وقعدت اتكلم شويه عن الايموووووز



وعن اشكالهم


وقلت انى معجبه ب الاستايل بتاعهم وفكره انهم يعملو لوك واحد


انما معترضه ع اى حاجه تانيه

وكان معايا فيديو ليهم ع الموبايل


قعدنا نتفرج عليه


فجأه لقيت مين ؟



لقيت البت بنت خالى


صغننه هيا


عندها ييجى 5 سنين كده

اسمها ايمان


لقيتها مبحلقه جامد اوى ف الصور


ومبهوره ومزبهله بالمناظر


وعاجبها اوى الشكل واللوك الغريب بتاعهم


وهيا اللى مسكت الموبايل واحنا اللى قعدنا حواليها نتفرج


لدرجه انها مخلتش حد يعرف يشوف حاجه

وخلص الفيديو اخيرا


وقعدنا نحكى ف حاجات كتييييير


وغيرنا الموضوع ودخلنا ف 500 موضوع

والاقى ايمان فجأه كده جايه تقولى عايزة اشوف الموبايل


وتقصد بالكلام ده انها عايزة تشوف الفيديو


طبعا انا فهمت وفتحت الفيديو تاااااااانى واتفرجنا انا وهيا ع الفيديو تاااااااانى


وبعد ما الفيديو خلص ف المشهد التانى



لقيت ايمان جايبالى العده


عده الميك اب يعنى


وغيرت هدومها وقالتلى اعمليلى زيهم يلا


انا طبعا عشان مكسفهاش قلت مااااااشى



وعشان ارضيها اكتر واكتر قمت جبت باروكه من عند اختها



شعرها ناعم واسود عشان مبقاش حرمتها من حاجه

واليييييييييييييكم ما حدث :::::::






















الصوره دى بعد ما راحت تلبس العقد بتاعى وجايه تفاجئنى بقا

وهيا جايه عليا كده زى النسمه قمت قيلالها استنى اصورك







الحركه دى شافتها ف الفيديو وعملتها من نفسها

انها تبص ع الارض وبحظن كده

حتى انا بقولها مالك حظينه كده ليه مردتش عليا

كانت مندمجه


دى بقا الصورة اللى عجبانى اوى

حسيت فعلا انها ممثله

اكترييييييييييييييييس مش هزار يا جدعااان







الصورة دى بعد ما تعبت وقالتلى مش كفايه بقا ولا ايه ههههههههههه







راحت غيرت وارتاحت ورجعنا نصور تانى


هيا والدوده بيبصو ف مكان واحد

البصه مش مقصوده

ف الاخر عرفت انها هيا اللى قصداها

شوفتو دماغ العيال ؟












دى بعد ما خلصت خالص وقالت كوفاااااااايه







احب اختم الصور بالصورة دى معرفش ليه


























































































































































السبت، 25 أبريل، 2009

هفضفض لحد ما اموت !

اه والله زى ما بقولوكو كده
انا هنا بقا مكانى خلاص
هحتل المكان لانى بجد مخنوقه وزهقانه ومدايقه
وعاوزة اتكلم كتير وعاوزةاعيط بس مفيش حاجه تشجع
هفضفض لحد ما تلاقونى انفجرت ف وشكو
ودمرتكو كلكو وتبصو تلاقوكو تراب
المشكله انى مش عارفه اقول ايه
مش عارفه اتكلم مش جنبى حد ولا حاجه
بس انا مش متعوده اتكلم
قلت اكتب ولو فشلت ف الكتابه كمان
هبقى اخد معاد واروح اموت نفسى بقا
ازرف نفسى تحت عريبه او سم فيران
او البحر اهو واسع ويشيل كتيييييييييير
ياريت اللى داخل ميتوقعش حاجه حلوة يعنى
ولو ظنيت الظن السئ ده اطلع بره
المهم
هتكلم بقا
لا هسال الاول
هيا البنى ادمين المخنوقه دول
بيعملو ايه عشان ربنا يفرجها عليهم كده ويتبسطو ولو نص ساعه بس ؟
ومحدش يقولى وصفات الصلاه والقران
لانى جربت كل حاجه ومازلت بجرب الحمدلله ومش هبطل
بس انا عاوزة دوااااااااا
طب هيا البنى ادمين المبسوطه دى
بيعملو ايه انا هقلدهم وخلاص وامرى لله وهمشى نفسى ؟؟؟؟؟؟
نفسى ادى
نفسى اغير المحطه بقا واجيب ازاعه الشرق الاوسط
او اقلب الجزيره اللى تعلى الضغط
وابقى ليل نهار مع اللى سايبه علامه مع الكل الا انا دى
انا اول مره احس انى ضعيفه والانهيار قريب منى اوى كده
ناقص بس تاتش صغير قد كده واحتمال متلاقونيش
انا عمرى ما حسيت انى مخنوقه قد الايام دى
ممكن عشان انا عمرى ما حسيت بالمسؤوليه وانى بصرف ع نفسى
وانى لازم اقتصد يعنى عشان مبقاش مبزره
والا يمكن عشان انا قاعده لوحدى ولما بحب اطلع اروح لحد لازم اقرا نشره مبررات
عشان ال بيخافو عليا ( هيخافو عليا اكتر منى ؟؟؟؟!!!!!!!)
والا يمكن عشان انا حاسه انى عاوزة اتكلم ومحدش راضى او فاضى يسمع منى اى حاجه
لان زى ما بيقولو كل واحد وليه همومه
والا يمكن عشان انا كان نفسى ف حاجات كتير
متعملتش ومجتش ومش هتيجى
والا يمكن ... والا يمكن .. والا يمكن
هو انا مش من النوع اللي بحب الكئابه او اني ارخم اوي وبحاول اطلع من المود علي طول
بس يعني اليومين دول مش عارفه ازوغ من الخنقه لا يمين ولا شمال
وادينى مستنيه هيا اللى تزهق منى وتبعد
بس المشكله انى لما ابقى مدايقه بفكر بغرابه شويتين
يعنى كنت بفكر مدخلش نت مع انى مقدرش اسيب النت
وكنت بفكر اخرج كتير واروح لصحابى اللى بقالى قرن ونص وتلت تيام مشفتهمش دول
بس بردو معملتش كده
يلا كفايه غم لحد كده ومتخافوش مش راحه اموت
صحيح انا قلت هفضفض لحد ما اموت وانا عند كلامى بس للحديث بقيه بقا
وياريت اللى يقرا الكلام ده ميضربش ولا يطول لسانه منتو لازم تستحملونى
هفضفض لاعز منكو يعنى ؟؟؟؟؟؟
*************************
ياريت ياجماعه تدعولى ان الحاله دى تختفى عشان الامتحانات قربت اهى

الجمعة، 3 أبريل، 2009

اول تاج لولولووللىىى


الاول احب اقول ميررررررررررررررسى ل ايمان انها مررت التاج عليا مع انى مكنتش عارفه النظام ده عامل ازاى

واحب اقولك ربنا يسامحك ع اللى عملتيه فيا عشان انا عينى وجعتنى قدام الجهاز هههههههههههه

تعالو بقا شوفو اللى حصلى

اسمك ؟
اسراء والله
وعلى فكره المدونه هيا اوووول مكان ادخل فيه باسمى الحقيقى قبل كده ف اى مكان ع النت بيبقا ليا اسم مستعار

وفى الاخر قلت وانا استعار من اسمى لييه؟ وكتبت اسراء اهوت من غير خوف ولا خجل

.....................................


2/ المشهور بيه وسط اصحابك؟

وسط صحاب ثانوى السنه اللى فاتت كنت اورانج
مش فاكره ايه السبب الظبط بس كنت معروفه ف المدرسه كلها باوراااااانج
حتى لما وصلت تلته كان فى طلبه من اولى بيقولولى انتى اورانج؟؟
كنت احس انى فاتن حمامه والا حاجه
و عشان دلوقتى بيفتكرونى بقولهم كلمه السر
اورانج

انما دلوقتى روئه وااوقات ساسوو

...............................................

3/ سنك؟


ايون دخلنا ف الاسئله المحرجه بقا

انتو عارفين ان البنات مش بتحب تقول سنها

بس انا هقول دون خوف او خجل

انا ياجماعه
عندى 18 سنه و5 شهور
مواليد 90 شهر 11 برج عقرب ان شاء الله
......................................

4/ مجال دراستك؟

بدرس لغات وكمبيوتر
مش فاكره بالظبط كام لغه عشان مش بروح كتير الحقيقه

كل اللى فكراه ان اخر مره زرت المعهد فيها

قالولى فى امتحان انجليزى

قمت مروحه ع البيت

وان شاء الله فى دراسه تانيه السنه الجايه بس لما ابقى فيها هقولكو عليها

......................................

5/ اسم مدونتك؟

تهييس اخر صيحه

فضلت نص ساعه قدام اسم المدونه مش عارف اكتب ايه

وف الاخر مش لقيت ليها اسم غير تهييس ااخر صيحه

حبيت اسميها كده عشان انا ناويه انها تجمع كل حاجه

كلام فارغ وكلام مليان وذكريات ومود حزن اكتب مود فرحه اكتب

تاجااااات مثلا وكله بطريقتى هيبقى اخر صيحات التهييس

.............................


6/ صورتك الرمزية فى المدونة بتعبر عن ايه؟

بعشق صور الانمى وتعابير وشهم وحركاتهم

وف نفس الوقت مكنش فى صوره مناسبه لاسم المدونه عندى ومكنتش لاقيه

فقررت احط صوره من صور الانمى اللى بحبها اوووى وبحسها شبهى

............................


/ هل فكرت فى اغلاق المدونة ؟

ياساتر يارب
ليه ياناس كده

دنا مبقاليش تلت اسابيع ومفيش غير بوستين بس ...

هو انا فكرت بصراحه لانى حسيت انى فشلت

لما ملقتش تعليقات عندى ف اول بوست

وقلت هيا االناس دى مش واخده بالها منى والا ايه

لازم ادخل بالطبل والمزمار عشان يحسو بيا يعنى ؟

بس بعد ما لقيت تعليقات قلت استووووحاله تتقفل

دنا ما صدقت الاقى مكان اكتب فيه اى حاجه وهصدعكو يعنى هصدعكو

..........................

8/ ايه رد فعلك لو حد قل ادبه فى تعليق ؟

مظنش انى ممكن ارد
صعب اوى لانى كمان مش ناويه اقل ادبى على حد
انما لووووو
لوووووو
لو حصل اكيد طبعا هسكت مش هتكلم وهعدى تعليقه او هحذفه خالص
واكمل عادى جدا

ومفيش حاجه تستاهل على فكره

الا اذا بقا هو بيزن على خراب عشه

.......................

9/ اسوأ مدونه؟


الناس اللى بدخل مدوناتهم وبقرالهم لحد دلوقتى ناس ف
منتهى الاخلاق

والادب

والزوق

والرقه

وخفه الدم

والاحترام

لــــــــــــــــــــــــــــــــــكن

فى مدونه واحده لفتت نظرى اوى لواحد بيكتب حلو اوى

وكتاباته جميله جدا فى بعــــــــــــــــــــــــض مواضيعه

انما الباقى بصراحه مسخره ومسخره دى اسم المدونه بتاعته

...................................
10/ هيحصل ايه للايميل بعد ماتموت؟

هكتب ف الوصيه الاميل يتقسم بالعدل على اخواتى
ههههههههههههههه


مش عارفه والله عمرى ما فكرت ف الحكايه دى نفر افر يعنى

بس دلوقتى الناس اللى ع الماسنجر عندى بنتكلم مع بعض ع الموبايل ونعرف بعض كويس

يعنى لو مت هيعرفو هيعرفو والاميل يولع بقا مش مشكله احنا هنكون ف ايه والا ف ايه هههههههههههه

..............................

ه1/ اديت الباسوورد لحد قبل كدة؟

نووووووووووووووووووووووو
مره واحده بابا قالى هاتى الباسوورد اشوف مين اللى بترغى معاهم بالساعات طول النهار دول

ادتله الباسوورد فتح الاميل تلت دقايق بعد كده راح قايم

روحت انا ف ثانيه مغيره الباسوورد خليته كلمه تانيه خالص

عمرها ما تيجى ف تفكيره هههههههههههههههههههه

مش عشان حاجه بس عشان بحس انه حاجه تخصنى اوى

وكمان دول صحابى يعنى بابا ياخد الاميل يعمل بيه ايه

دا لو مكنش بابا هو اللى طلب منى الباسوورد مكنتش هديه لحد اصلا

....................................

12/ الموود بتاعك ايه؟

على حسب الغدا
هههههههههههههههههههههه

هو المود ممكن يتغير ف اليوم 600 مره

بس الاغلب يعنى بكون مطنشه لكل حاجه وعايشه عادى وطبيعى ومش حاطه ف دماغى هم ولا نكد ولا غم ولا اى
بلاوى زرقه من دى وبنساها خالص

بس اقولكو على حاجه :

لما بقعد لوحدى وافكر بجديه شويه دماغى بتصدع اوووووووووى

واحس ان كل حاجه معقده وان مفيش حل لاى مشكله

عشان كده بفضل افضل مطنـــــــــــــــــشه

رايقه يعنى

..........................

13/ بتعمل ايه فى اوقات فراغك؟

تلت حاجات

الاولى الكمبيوتر

تانى حاجه ممكن الكمبيوتر

تالت حاجه بقا الكمبيوتر اكيد يعنى

بحب التنويع اوى انا

وبقسم وقتى على التلت حاجات دول

اصلى مش بحب الملل خالص خالص خالص

ولا اطيقه ابدا

ولو فى وقت اتبقى

بقعد اتفرج على فيلم كرتون

ع الكمبيوتر

او اكتب

ع الكمبيوتر بردو


لانى باختصار مش من هواه التليفزيون يعنى ممكن ف السنه مره والا حاجه لما تشدنى حاجه فيه اقعد اتفرج عليها
والقراءه بحبها بس ف وجود الكمبيوتر ولا بطقها

................................

14/ الأكلة المفضلة ؟

بصراحه وبوضوح وف الواقع والحقيقه

انا تنكه شويه ف اكلى

مش اى حاجه تتاكل عندى

مش بحب الحاجات المسبكه

ولا الرز والمكرونه

المكرونه بالباشمل بحبها اه بس بطريقه غريبه شويه

اكتر حاجه ممكن اكلها وانا مغمضه

هيا المشويات وياسلاااااااااااااااام بقا لو مفيش اكل خالص

ويبقى فى شكولاته بس

............................................

15/ الصفات التى اخذتها من والدك؟

حاجات كتيره

انا اكتر واحده من اخواتى شبه بابا ف الصفات والشكل

الطيبه

الصبر

والعصبيه شويه

................................

16/ الصفات التى اخذتها من والدتك؟

عنيا زى عنيها بالظبط

ونفس الودان كمان

ههههههههههههههههه

منا قلت فوق انى طالعه ل بابا ف كل حاجه

لازم ازعق يعنى ولا لازم تعصبونى يعنى والا يمكن انا بكدب ولا يمكن مثلا بكدب والا يكونشى انا بكدب مثلا

............................

17/ اكتر ست حاجات بتكرههم ؟

بكــــــــــــــــــــــــــــــــره الناس اللى مبيحسوش

بكــــــــــــــــــــــــــره العنف والجبروت والقسوة والظلم

بكــــــــــــــــــــــره الخيانه والكدب

بكــــــــــره المواصلات الزحمه واالخنقه ف الصيف

بكــــــــــره الغربه بكــــره المذاكره وخصوصا لما تكون حاجات معقده ومكنتش بحضر فيها حاجه

........................................

18/ اكتر ست حاجات بتحبهم ؟

اكتر ست حاجات بحبها ف حياتى دلوقتى

بحب ربنا وبحب بابا وماما وااخواتى وعليتى كلها
2
بحب حبيبى اللى ربنا يخليه ليا
3
بحب صحبتى وحبيت المعهد بتاعى دلوقتى وصحابى اللى فيه
4
بحب الشيكولاته ويارب ما يمنعوها هههههه
5
بحب الطيبه الحنيه وكل حد بيقدر الاخلاق

6 الكمبيوتر والنت والكتابه والمدونه والمنتدى


...................................

19/ شخصيتك نوعها ايه ؟

بسيطه

......................

20/ لماذا دخلت عالم التدوين من الاساس؟

انا كنت ببحث عن حاجات ف جوجل

وكذا مره ابحث لاقى مدونات واقراها واوقات كنت

بتابع مدونيين كماان واول مدونه تابعتها قصاقيص حبيبه

كانت عجبان الفكره دى اوى اوى وكنت بتمنى ابقى معاكو مع انى مش قد كده ف الكتابه بس اهو بنتعلم بردو وفضلت
اتابع مدونات ف صمت لحد م ف يوم قررت اعمل مدونه وابدأ اكتب فيها بنفسى وعشان كمان اقدر ارد ع الناس اللى
كنت بتابعهم دول

...........................................


21/ احلى جملة قيلت فى وصف مدونتك؟

انا لقيت التعليقات بعد فتره كبيره من عمل المدونه

ولقيت فيها كلام جميل اوى فرحنى جدا على فكره

وحبيت الناس دى اوى حبيت تشجعهم وحبيت رايهم ف المدونه وحبيت مدوناتهم كمان

...............................

22/ اهمية التعليقات بالنسبالك ؟

اه مهمه جدا

انا لو كتبت مشكله ممكن الاقى حلها ف التعليقات

ونصايح تفدنى

و بكتب حاجه تفرح اكيد هتفرحو معايا ونتشارك كلنا ف الفرحه دى

ولو بكتب مشكله عامه كلنا نساهم ونحاول نحلها وكل ده بالتعليق اكيد


...........................

23/ احلى بوست كتبته ؟

كلهم الحقيقه

ههههههههههههههههههه

كلهم فين هما اتنين

واكيد مفيش اكل احلى لانه بيفكرنى بذكريات جمييييييييله

عمرى ما هنساها

........................

24/ افضل مدونة قرأتها؟

قصاقيص حبيبه

تخاريف ابو العريف

ليت الزمن يرجع وارجع انا وياه

كل دول والباقى كمان والله

بس اكترمدونات لفتت نظرى وبتابعها وبتابع المدونات التانيه بردو ديما

وبحب ادخل كل مدونه كل فتره كده اشوف ايه اللى بيحصل فيها ههههههههههه


................................

25/ افضل بوست قرأته؟


كل البوستات بجد انا مش بقرا بوستات وانا عارفه انها مش هتعجبنى

م الاول قبل ما اقراها بتشدنى وبفضل معاها لحد ما اخلصها وانا معجبه بيها ومبتكلمش ولا اقول مشاعرى

وبستنى التعليق بفارغ الصبر هههههههههههههه

...............................


26/ الشغل بالنسبالك ايه؟

حاجه مهمه جدا جدا جدا

مش بس عشان الحياه صعبه وعشان الظروف والحاجات دى

عشان كمان الفراغ الفظيع اللى بيبقى ف البيوت

عشات الستات اللى بيقعدو فاضيين بتكلمو ع خلق الله ههههه

عشان التعليم ميكنش مرحله ومرت علينا مرور الكرام

عشان نبنى ونعمر ونعلى ونعلى ونعلى كلنا لازم نطاطى نطاطى نطاطى

واكيد نطاطى بالشغل ف بلدنا مش بحاجه تانيه يعنى

...................................

27/ الانترنت بالنسبالك ايه ؟

بحبه اوى ومقدرش استغنى عنه لانه بسببه حصلتلى احلى حاجه ف حياتى دلوقتى

النت مهم ف حاجات كتير بس مش الاهم

لان اناعارفه انى مش هعيش حياتى كلها ع النت

بس بردو بحس انه لا غنى عنه اسهل واسرع وسيله لايصال المعلومه

اهم حاجه وانت ع النت يبقى ضميرك صاحى عشان كده بنصح كل اللى بيقعدو نت يقعدو الصبح بس والا بقا يعملو زيي
ويشربو ضميرهم فنجانين قهوه لما يقعدو باليل

..........................................

28/ تمرر التاج ده لمين ؟

ممممممممم

انا مش عارفه الحقيقه امرره ع مين بس بتهيئلى سـهر ونـور

الخميس، 26 مارس، 2009

مفيش اكل

.








فى يوووووووووووووم من الايام


ايام تالته ثانوى السنه اللى فاتت يعنى كانت ماما رايحه هيا واخواتى عند خالتى وبابا طبعا مسافر

وهبقى ف البيت لوحدىى

لييييييه بقا

عشان انا كان عندى درس فلسفه ومش رايحه معاهم وهما مش هيستنو

نداله

المهم

درسى كان الساعه 12 ف عز الظهر روحت الدرس وانا مروحه قلت لامنيه صحبتى وانتيمى تعالى معايا البيت بما انى لوحدى وكمان

تتغدى معايا عشان مش بحب اكل لوحدى

اخدت امنيه وروحنا البيت عندنا اول ما وصلنا انا وهيا جرينا ع المطبخ

المطبخ كان نضيييييييييييييييييف ولا فى اكل ولا فى اى حاجه ممكن تتاكل كـ غدا

فى جبنه بقا وحاجات مستفزه من دى واحنا طبعا مش هناكل اكل الفطار ده

ف دقيقه روحت اتصلت بماما عند خالتى

قلتلها ماماااااااااااا فين الاكل اللى انتى عملتيييييييييييييه كده ياماما يعنى

قالتلى: بسسسسسس اسكتى ايه محسسانى انى ظلماكى ليه كده

اعملى اى حاجه يا اسراء اتغدى بيها او انزلى هاتى اى حاجه

انا بقا : لا والفو لا انا هنزل ف الحر ده ادور ع اكل انا هعمل اكل ياماما

ماما : لا بلاش عشان خاطرى متدخليش المطبخ

انا بقا : يا ماما هعمل اكل هو انا داخله افجر نفسى ف المطبخ

ماما : يابت انتى عبيطه هو انتى بتعرفى تتنيلى تطبخى


انا بقا : متخافيششششششش دى امنيه معايا ياماما

ماما : طب كويس الحمدلله ..... امنيه بتعرف تطبخ ؟


انا بقا : لا طبعا

ماما : يالهووووووى

انا بقا : ايه مالك ... وبعدين انتى قلقانه ليه هترجعى تلاقى المطبخ زى الفل متقلقيش زى ما انتى سيباه واحسن كمان

ماما: ربنا يستر

انا بقا : هيستر ان شاء الله ادعلنا بقا سلام

وقفلت السكه





انا وامنيه دخلنا المطبخ مش فاهمين حاجه


امنيه : ههههههههههههههههههههههه هههههههههههه لا لا بجد ما قادره

انا بقا : ايه يا هبله مالك ؟

امنيه : ههههههههه امك مش معبراكى ههههههه انتى متأكده انها امك ؟

هههههههههه تعالى تعالى اأكلك عندنا ههههههههههههههههههههههههه


انا بقا : تلاته بالله العظيم لو ما اتخرستى دلوقتى لاضربك الاكل هيتعمل هنا وهناكل هنا

واتهدى لاروح فيكى ف داهيه دلوقتى واحترمى نفسك

امنيه :طيب طيب خلاص المهم انتى عارفه انتى هتطبخى ايه ؟

انا : لا طبعا لسه معرفش وبعدين ايه النداله دى هو انا اللى هطبخ والا ايه

امنيه: نعــــــــــــــــــم

انا : نعم الله عليكى وع اللى خلفوكى

امنيه : وانا مالى انا كان مالى اصلا ياريتنى مجيت معاكى دا انتى نحس وبوز فقر صحيح


انا: امشى يا جزمه اطلعى من بيتنا انا غلطانه انى جيباكى اأكلك معايا اصلا

امنيه وهيا وشها قلب الوان الطيف : انا ااااااا انا تأكلينى تصدقى يابت انى غلطانه اصلا انى جيت معاكى




وراحت تفتح الباب


جريت ومسكتها من ايديها

وقلتلها: ايه يا عبيطه انتى بتزعلى منى والا ايه

وبعدين منتى لسه قايله تعالى اكلك عندنا شوفينى مشيت يعنى ؟

امنيه وهيا مبتسمه شويه : وانتى هتمشى تروحى فين مهو بيتكو اهو

انا : ايه معقوله دا بيتنا

امنيه : اه يا ظريفه وامشى انجرى قدامى ع المطبخ

انا بقا : حاضر


وده اللى حصل جوه المطبخ


امنيه : متيجى نعمل حاجه صعبه... مكرونه بالباشمل مثلا

انا : مش دى اللى بيبقا فيها لحمه مفرومه ؟

امنيه :اها الله ينور عليكى .. منتى بتفهمى اهو امال ظلمينك ليه ؟ههههههههههه
انا : لاااااااااااا ياشيخه

امنيه : اه والله ههههههههههههه

انا : طب يلا هاتى فلوس اروح اجيب لحمه مفرومه

امنيه : لا فى هنا انا لسه شايفه ف التلاجه لقيت فى لحمه مفرومه

انا: هههههههههه بجد والله مكنت اعرف


امنيه : طول عمرك متعرفيش حاجه وهتفضلى كده


انا : لمى لسانك يا زفته انتى ف بيتنا


امنيه: انا الم لسانى .. انا الحق عليا يعنى

انا : اييييييييييييون وانتى بتقولى كده ليه عماله تجرحى فيا م الصبح

امنيه :انا جرحت فيكى . انتى هتجيبيلى مصيبه ؟

طب واله منا قاعده وهغور من وشك خالص



وراحت فتحت الباب


وانا روحت مسكاها من ايديها

خلاص يا منمن بقا

امنيه : دلوقتى بقيت منمن

انا : خلاص بقا انتى هتعملى فيها بتاعه وتزعلى زى البنى ادمين العاديين دول وبعدين

هاكل لوحدى يعنى وبعدين منتى بردو هـــــ


امنيه : بس بس بس خلاص مش همشى




روحت انا قافله الباب بالمفتاح وخدت المفتاح حطيته ف فرن البوتاجاز عشان متفكرش تعمل الحركه دى وتقولى همشى تانى


ها ها ها ها





انا : يلا هنعملها ازاى دى


امنيه :مش عارفه والله بتهيئلى بتسلقى المكرونه وبتسوى اللحمه وبتجيبى خلطه الباشمل تعمليها كويس وبعدين ( وكل ده وانا متنحه قدامها )


انا روحت مقطعاها : حيلك حيلك ايه اللى بتقوليه ده هو احنا هنعمل كل ده


امنيه: اهااااااا انتى بس انا اللى هقول وانتى اعملى

انا : لا ياستى مش هلعب بقا

امنيه : طب بقولك .... تعالى نصلى العصر الاول

انا : اوك يلا



بعد الصلاه بقا


بصى انا هسلق المكرونه وانتى اعملى الباشمل واللحمه المفرومه


امنيه : نعـــــــــــــــــــــــــــــــــــــــــــــم

انا : اييييييييييييون مالك

امنيه : وليه انتى متعمليش الباشمل واللحمه ومتتحججيش انا هقولك تعملى ايه وانتى تعملى

انا : عشان انا رجلى وجعانى

امنيه : نعم
انا : ايوة رجلى وجعانى ايه عمرك ما شوفتى واحده رجلها وجعاها وبعدين انا مش بعرف يا منمن
امنيه : تصدقى بالله

انا : لا اله الا الله

امنيه : انا حرمت اجى معاكى تانى

انا : مش وقت ندم وحيات ابوكى يلا نبدأ

امنيه : بقولك ايه صحيح عاوزة اسمع اغانى وانا بطبخ تعالى افتحى الكمبيوتر وعليه ع الاخر

انا : يابنت المجنونه .... انتى عارفه احنا لو علينا الصوت ع اخره مش هنسمع غير ناس بتوشوش نفسها

امنيه : لااااااااااااااااءه هنسمع والله بس تعالى تعالى




روحنا فتحنا الكمبيوتر وف ثانيه جابت هيا الاغانى وشغلت الاغانى وعلت الصوت ع الاخر وانا اول ما شوفت الجهاز مفتوح قمت فاتحه الاميل





امنيه : يلا بقا


انا مش برد عليها

امنيه : يلا ياساره عشان نعمل الاكل

انا مش برد عليها خالص

امنيه : يلا يا زفته ياهبابه عشان نتنيل ونتهبب ع عنينا ونعمل الاكل

انا : يووووووووووووه

انتى مش شيفانى مندمجه

راحت قعدت جنبى هيا كمان


وفجــــــــــــــــــــــــــــــــــأه لقيت المغرب بيأذن


قالتلى انا همشى بقا

انا روحت قافله الجهاز بسرعه وقلتلها


ايه ده مش هنعمل الاكل ؟

امنيه وراحت بصالى من فوق لتحت ونظره شذره

انا : مالك يا روحى ؟

امنيه : بصى مش وقتك خالص دلوقتى اسكتى مش عاوزة اسمع صوتك

انا روحت فاتحه الجهاز تانى وقعدت وقلتلها: مع السلامه انتى م الصبح وانتى بتتلككى وعاوزة تمشى

امنيه وهيا وشها احمر م الغيظ : انا همشى سلام

انا وبعلى صوتى : المفتاح عندك ف فرن البوتاجاااااااااااااااااااز



والى الان اعزائى المشاهدين والمشاهدات مش بدخل المطبخ غير بالزق ولو قررت ف مره من نفسى انى ادخل الاقى مليون حاجه تعطلنى
مثلا واحده صحبتى تيجى او انا يكون عندى امتحانات او ماما تقولى بلاش انتى عشان العك
مع ان البت امنيه استاذه دلوقتى









الاثنين، 23 مارس، 2009

حزرو فزرو انا مييييييييين؟

متحاولوش مش هتعرفونى
بصـــــــــــــــــــــــــــــــــــــــــــــو بقا
هعرفكو ب نفسى ف الاول كده عشان متقولوش مين اللى دخلت علينا مره واحده دى
انا اسراء سمير ( ده اسمى يعنى ) عندى اربع اخوات يعنى احنا خمسه يعنى ب بابا وماما يعنى 7 ف البيت (قربنا نكمل فريق كوره )
انا الكبيرررررررررررره المسيطره ع الجو كله وبعدى علطول اختى توته واسمها الحقيقى جهاد وبعد جهاد احمد وبعد احمد محمد وندى ودول تؤام
عندى 18 سنه لسه زغننه يعنى عيد ميلادى 1/11 يبقى انا اتولد يوم جمعه الساعه 4 الفجر
انا من الاسماعيليه العظمى وقاعده هنا مع عمى وهذا بسبب ان اهلى يعنى بابا وماما واخواتى مقيمين ف السعوديه وانا جيت هنا للدراسه
دراسه دراسه يعنى
اقرب حد ليا اكيد بالبديهى هتكون جهاد عشان اللى بعدى علطول عندها 16 سنه
والايام دى احمد بدأ يقرب منى عشان اعمله اميل واعلمه يكتب ازاى مصلحه بس بعينه وعنده 12 سنه.
مممممممم
موهبه بقا انا مش معتبراها موهبه موهبه اوى يعنى لانها حاجه عادى
انا ياجماعه بنهار واعترف انى برسم ع الكمبيوتر
اييييييييييييييييون
انا برسم ع الكمبيوتر ولو مش مصدقين اللى عاوزنى اعرض الصور يقول الموهبه دى بقا ممكن يبقى فعلا اسمها موهبه بعد ما اتعلم ادخل ف الصور دى فن الجرافيك والانيميشن وده هيحصل ان شاء الله بس شويه كده دعواتكم وبركاتكم كده معايا
تانى موهبه بحب اكتب اوى مش شعر ولا نثر ولا مذكرات
بحب اكتب اى حاجه عن اى حد ف اى حته باسلوبى ولما ابقى قاعده لوحدى ومدايقه او مش لاقيه حاجه اعملها اقراها واكتب تانى
(موهبه بقا والا مش موهبه ؟ )
. ممممممم
عندى عنين وودنين عادى جدا زى البنى ادمين الطبيعيه ورجلين كمااااااااان وايدين الحمدلله بحب الورد اوىوالشيكولاته اووووووووى بحب ف الاكلات بقا اى حاجه مشويه وخصوصا السمك لان اقل سعرات حراريه بتكون فالحاجات المشويه ايا كانت بقا
وبحب كمان صور الاطفال النضيفه دى وبعشقهم لما بيبقو نايمين بس .
مممممم
انا بدرس ف معهد لغات وكمبيوتر هنا ف اسماعيليه معهد دلع وفكاهه بنروح نهزر ونغنى ونلعب ع الكمبيوتر زوما ونيجى ع البيت مهدودين
ملحوظه زغننه اااااااااااااد كدهو :
ياريت اللى يدخل يكتب تعليق ميعلقش ع المعهد ويقول فاشل وكده عشان انا بزعل عشان انا عارفه الحقيقه المره دى
ممممممممم
اعز اصدقائى ف المعهد هيا بيررررووو حبيبه قلبى اللى مش بطقها خالص وهيا متنرفزه ولا هيا بطقنى
ع فكره انا اللى بنرفزها
اييييييييييييون يعنى انا اللى بنرفزها
بحب اعصب الناس ديما مش عارفه ليه ممكن نضيفها للمواهب دى
صديقتى بقا بره المعهد والجو بتاعه هيا امنيه رمضان بس دى بتدرس ف القاهره حاليا ف مش بشوفها تقريبا خالص ولا بنتصل يعنى واخدين اجازة من بعض شويه عشان الخنقه واهو تغييربردو
.وعندى صديقه تانيه خالص ودى بقا اللى نكته مسخسخه اسمها نودا اكتر حاجه بتعجبنى ف البت دى انها واخدها طناااااااااش وضاربه بكل حاجه عرض الحائط مش كل حاجه كل حاجه يعنى عشان الناس اللى بتفهم صح دى
وخطوبه البت دى هتكون قريب ان شاء الله وهرتاح منها هيا كمان
بس تالت واحده بقا ودى بجد عزيزة ع قلبى اوى وهيا بطوووووووط طيبه الدنيا فيها وبحب اتكلم معاها جدا تحس وانت بتتكلم معاها انك متفائل كده المهم انهم دول اصدقائى خارج نطاق النت
انما ع النت بقا اكتر من حد وكلهم ناس اعرفهم من زمان وبثق فيهم جدا وشوفتهم
ممممممم
ع قد منا مش بطيق المذاكره والسهر اللى بيكون مليان حفظ وصم وكتابه وكل الحاجات المستفزه دى ع قد ما نفسى اطلع م المعهد ده واقدم ف اى كليه تكون صعبه وشريره ومبترحمش عشان انا عاوزة اشتغل دكتوره بقا مهندسه اى حاجه انا اصلى قنوعه مش بدقق ف الحاجات الزغننه دى او مش لازم اطلع م المعهد بس وانا فيه ابقى ف كليه معاه وده اللى هحاول اعمله السنه الجايه وربنا معايا يارب دعواتكم .
ممممممممممم
دلوقتى فركش يلا سلام