اه والله زى ما بقولوكو كده
انا هنا بقا مكانى خلاص
هحتل المكان لانى بجد مخنوقه وزهقانه ومدايقه
وعاوزة اتكلم كتير وعاوزةاعيط بس مفيش حاجه تشجع
هفضفض لحد ما تلاقونى انفجرت ف وشكو
ودمرتكو كلكو وتبصو تلاقوكو تراب
المشكله انى مش عارفه اقول ايه
مش عارفه اتكلم مش جنبى حد ولا حاجه
بس انا مش متعوده اتكلم
قلت اكتب ولو فشلت ف الكتابه كمان
هبقى اخد معاد واروح اموت نفسى بقا
ازرف نفسى تحت عريبه او سم فيران
او البحر اهو واسع ويشيل كتيييييييييير
ياريت اللى داخل ميتوقعش حاجه حلوة يعنى
ولو ظنيت الظن السئ ده اطلع بره
المهم
هتكلم بقا
لا هسال الاول
هيا البنى ادمين المخنوقه دول
بيعملو ايه عشان ربنا يفرجها عليهم كده ويتبسطو ولو نص ساعه بس ؟
ومحدش يقولى وصفات الصلاه والقران
لانى جربت كل حاجه ومازلت بجرب الحمدلله ومش هبطل
بس انا عاوزة دوااااااااا
طب هيا البنى ادمين المبسوطه دى
بيعملو ايه انا هقلدهم وخلاص وامرى لله وهمشى نفسى ؟؟؟؟؟؟
نفسى ادى
نفسى اغير المحطه بقا واجيب ازاعه الشرق الاوسط
او اقلب الجزيره اللى تعلى الضغط
وابقى ليل نهار مع اللى سايبه علامه مع الكل الا انا دى
انا اول مره احس انى ضعيفه والانهيار قريب منى اوى كده
ناقص بس تاتش صغير قد كده واحتمال متلاقونيش
انا عمرى ما حسيت انى مخنوقه قد الايام دى
ممكن عشان انا عمرى ما حسيت بالمسؤوليه وانى بصرف ع نفسى
وانى لازم اقتصد يعنى عشان مبقاش مبزره
والا يمكن عشان انا قاعده لوحدى ولما بحب اطلع اروح لحد لازم اقرا نشره مبررات
عشان ال بيخافو عليا ( هيخافو عليا اكتر منى ؟؟؟؟!!!!!!!)
والا يمكن عشان انا حاسه انى عاوزة اتكلم ومحدش راضى او فاضى يسمع منى اى حاجه
لان زى ما بيقولو كل واحد وليه همومه
والا يمكن عشان انا كان نفسى ف حاجات كتير
متعملتش ومجتش ومش هتيجى
والا يمكن ... والا يمكن .. والا يمكن
هو انا مش من النوع اللي بحب الكئابه او اني ارخم اوي وبحاول اطلع من المود علي طول
بس يعني اليومين دول مش عارفه ازوغ من الخنقه لا يمين ولا شمال
وادينى مستنيه هيا اللى تزهق منى وتبعد
بس المشكله انى لما ابقى مدايقه بفكر بغرابه شويتين
يعنى كنت بفكر مدخلش نت مع انى مقدرش اسيب النت
وكنت بفكر اخرج كتير واروح لصحابى اللى بقالى قرن ونص وتلت تيام مشفتهمش دول
بس بردو معملتش كده
يلا كفايه غم لحد كده ومتخافوش مش راحه اموت
صحيح انا قلت هفضفض لحد ما اموت وانا عند كلامى بس للحديث بقيه بقا
وياريت اللى يقرا الكلام ده ميضربش ولا يطول لسانه منتو لازم تستحملونى
هفضفض لاعز منكو يعنى ؟؟؟؟؟؟
*************************
ياريت ياجماعه تدعولى ان الحاله دى تختفى عشان الامتحانات قربت اهى
ان شاء الله هتروح
ردحذفوفضفضي ياستي براحتك علي الاخر و احنا هنسمع
و معتقدش اني هاعرف ااقولك حل غير الصلاة و ربنا
لاني كنت لاقيته لنفسي :):):)
اصل دي حالة عامة دلوقتي في البلد :):)
بصى بما اننا مخنوقين كلنا فى بعض ومع بعضينا
ردحذفهقولك حل جامد اوى
شوفى اى واحد مش عاجبك فى حياتك وروحى اضربيه
لغاية اما يموت
ساعتها هتحسى انك خرجتى كل الطاقة السلبية اللى جواكى دى فى حاجة مفيدة !!
هههههههههههه
اصل انا نفسى اعمل كده بجد فحبيت اشارك الفكرة معاكى يمكن نشجع بعض
بس بجد عايزة تفكى من المود , اعملى حاجة خايفة تعمليها لأنك لو عملتيها هتحسى انك عملت حاجة فى دنيتك وبالتالى تفرحى شوية بالأنجاز اللى عملتيه
او مثلا جددى فى حياتك يعنى غيرى ترتيب اودتك
غيرى مكان الكومبيوتر غيرى استايل المدونة
كده يعنى
بس انصحك بحاجة واحدة متعمليهاش
.
.
اوعى تقرى الكومنت بتاعى ^_*
(انا ضيفتك عندى فى المدونة على فكرة , يلا حصلك الشرف اهه .. هههههه)
ايه دا يا بنتي
ردحذفكل دا كاتماه في قلبك وساكته
لا كد غلط عليكي
انفجري زي مانت عايزه
فضفضي
طلعي اللي جواكي
يعنى احنا عمالين نقول
ردحذفخلاص احنا لقينا المدونه اللى هتنسينا الهم
وقولنا مدونتك هتكون مدونه للفرفشه والضحك
تقومى تعملى كده ؟
يا بنتى انسى الهم ده وفكرى فى الحل وأنتى هتلاقيه
مش لازم حد يفكرلك أنتى اللى لازم تفكرى
وصدقينى هتلاقيه
وان شاء الله هتبقى كويسه قوى وتمام التمام
وربنا معاكى يارب ويفك كربك وهمك
ويوفقك فى الامتحانات ياااااااااارب
ياللا سلام بقى يا قمرايه
لو فعلاً انت مخنوقة جداً والموضوع جامد، ليه متروحيش لدكتور نفسي ؟! وليه دكتور نفسي ؟ مايمكن انتي بتبصي للمشاكل اللي حواليكي بطريقة غلط شوية، انا حاسس ان علاقتك بربنا ضعيفة، مش حقولك قومي صلي وإقري قرآن، بس للأسف هما دول الحل الوحيد، ربنا يهديني ويهديكي
ردحذفحاولي تبصي للدين ده إنه مش فرض ولازم تأديه، لا الدين هو المشط اللي بيخلي حياتنا شكلها منظم وناعمة، وصديقيني ساعتها حتحبيه وحتصلي، بس ساعتها متبقيش تنسي ان ليك أصحاب هنا في المدونة
أطال الله فيعمرك
ردحذفوجعلك تفضفضي على الدوام
adel
ردحذفهيا شكلها كده فعلا
حاله ف البلد
ماشيه ف الجو
الكل بقا كده باين ولا ايه ؟
محمد
ردحذفحلو الحل بتاعك ده اللى هخرج منه ع السجن على طول ههههههههههههههههههههه
ميرسى لاضافتك ليا عندك ويارب تكون غيرت الساعه بقا ههههه
منورنى والله
ابو العريف
ردحذفمنووووووووووووووووور
منا بفضفض اهوت هو انا بطلت
ياما هتشوفو ايام زرقا
اصبر اصبر هههههههههههه
D:
الشاعر الحزين
ردحذفتصدق انى خوفت من كلامك
حسيت انك بتزعق وانت بتكتب الكومنت
بس بما ان الحاله منتشره عن الجميع
اذا متلومنيش انا لوحدى بقا
D:
اسلام
ردحذفانت كلامك جميل اوى ع فكره
بس احساسك اوت انا قريبه من ربنا وكل حاجه
وحاطه همى كله عليه
بس كان نفسى اتكلم
لورنس العرب
ردحذفامييييييييييييييين
انا عندك لاول مرة وادخل وانتى مخنوق ايه التقاؤل دا ماعليناااااااااا
ردحذفبس أقولك على حاجة بسيطة أوى انتى مخنوقة ومش عارفة ليه طيب ماانتى ممكن تكونى مبسوطة ومش عارفة ليه برده قررى تفرحى او حتى توهمى نفسك هتعتمدى على حد يطلعك من خنقتك ليه اعتمدى على نفسك وقولى انا عايزة ابقى مبسوطة النهاردة قرار عاجل من داخلك وروحى عاملة حاجة بتحبيها علطول فكرى فى الكلام كويس قبل ماتردى عليا يمكن يمكن تصيب
خلاص موافقه
ردحذفD:
مش مخنوقه وانا مش عارفه ليه لاء
دا انا كل حاجه حواليا تخنق ف مش عارفه اكون مبسوطه
وحتى لو حاولت ابقى مبسوطه الحاجات اللى تخنق كتير اوى عليا يا مانو
السلام عليكم
ردحذفتحية طيبة لك
دعوة خاصة للمشاركة والكتابة في مجلة رؤية مصرية
المجلة أسبوعية الكترونية صدر منها ست أعداد حتى الآن
بامكانك زيارتها على http://roaua.com/
ومراسلتنا على roaua.com@gmail.com
خالص تحياتي ومنتظر ردك وحضورك
رئيس التحرير
ايه روئة
ردحذفمفيش اخبار منك ليه ؟
الامتحانات بعيد عنك بس متخافش بشقر عليكو من وقت للتانى
ردحذفعشان عارفه انكم متقدروش تستغنو عنى ابدا ابدا ههههههه